طبيب نفسي يحذر شيرين من رجوعها لحبيب

دكتور الأمراض النفسية عصام سمير علق  على اللي حصل للفنانة شيرين عبد الوهاب مع حسام حبيب ورجوعهم لبعض وسمى العلاقة دي بالمصالحة السامة.

وقال الدكتور: من غير دخول في خصوصيات علاقات الفنانين، لكن اللي يهمني هنا هو الدروس والعبر المستفادة من اللي بنسمعه وبنشوفه من غير ما نتسرع.

وكمان قال ان في ظاهرة منتشرة في معظم المجتمعات واللي بنقول عليها ظاهرة المصالحة السامة ودي معناها ان الناس بتتظاهر انهم مش تعبانين او مش بيتألموا او انهم نسيوا الإساءة التي حصلت في الماضي القريب. 

ووجة نصيحة للناس واكد انهم لازم يسمعوا كويس الكلام ده: لما تخرج من علاقة فاشلة او عندك مشكلة بتواجهها في علاقة مع حد، لازم تاخد وقتك لمعالجة وجعك. خذ وقتك عشان ترجع تبني الثقة وببطء، وبعدين قرر إذا كنت أنت أو شريكك في العلاقة محتاجين للظهور بشكل مختلف في العلاقة دي.

وكمان قال الدكتور ان المصالحة السريعة والنسيان مش طريقة واقعية ومنطقية لبداية جديدة، لازم تاخد وقتك.