أرضنا في خطر ( تغير المناخ)

 الأرض عرفت كتير جدا من التغيرات المناخية إللي العلماء برروا أسبابها ان معظمها اسباب طبيعية، زي ، الزلازل ، الثورات البركانية لكن درجات حرارة الأرض إللي بتزيد بشكل ملحوظ من بداية الثورة الصناعية، خاصة الثلاثين سنة تقريبا إللي فاتت مش عارفين العلماء مش عارفين تفسيرها إيه؟، وعلماء قالوا إن السبب هو الإنسان يقصدوا الأنشطة إللي بيمارسها طبعا في الانتقال وحرق قش الرز وحاجات تانيه كتير سبب ما يسمى بالاحتباس الحراري او ظاهرة (Global warming) .

الاحتباس الحراري 

معناها إيه؟ نقدر نقول انها الارتفاع التدريجي في درجة حرارة الطبقه السفلية من الغلاف الجوي المحيط بالأرض. 

وسبب الارتفاع في درجة الحرارة دي إيه؟

زيادة انبعاث الغازات الدفيئة او  غازات الصوبة الخضراء ( greenhouse  gases)،،، المشكلة الأساسية هنا مش إرتفاع درجة الحرارة لكن في بعض النقط المهمة إللي لازم نعرفها وهي:

انبعاث الملوثات إلى الجو بترجع لسببين:

الأول: اسباب طبيعية،  زي إيه؟

_ البراكين،  الملوثات العضوية،  حرائق الغابات. 

الثاني: أسباب صناعية،  زي احتراق الوقود في المركبات يعني وسائل المواصلات والماكينات في المصانع. 

اسباب التغييرات المناخية ايه؟

اولا: اسباب طبيعية، ، زي؛

_ الانفجارات البركانية،  التغيير في مكونات الغلاف الجوي، التغييرات إللي بتحصل نتيجة دوران الأرض حول الشمس واللي بينتج عنه تغيير في كمية الاشعاع الشمسي إللي بيوصل للأرض.

ثانيا: أسباب غير طبيعية،  ودي اللي بتحصل نتيجة التدخل البشري، ،زي إيه؟

إستعمال الإنسان للطاقة، إستعمال الوقود الاحفوري " نفط، غاز، فحم" ودا بيزيد ثاني أكسيد الكربون في الجو وبالتالي ارتفاع درجة حرارة الجو، كمان قطع الأعشاب وإزالة الغابات إللي ليها دور كبير جدا في امتصاص غاز ثاني أكسيد الكربون من الجو. 

مؤتمر cop 27 لتغير المناخ 

وبالمناسبة دي الأيام الحالية في مؤتمر لبحث مشكلة تغير المناخ وإللي بيقام في مدينة شرم الشيخ على ارض مصرنا الحبيبة وإللي نتمنى من الله عز وجل أنه يلقى نجاح واجابات لحل هذه المشكلة.