فكرة تحفة
احنا بنستخدم الليمون كتير فى الاكل
انتى فكرتى بعد ما تعصرى الليمون انك حرام ترميه
تعالى اقولك ازاى تستفيدى بيه فى الزمن اللى احنا فيه
تنفع مطلع اغنيه مش كده .......بصى يا ستى
اولا : انتى تجيبى برطمان وتحطى فيه ميه مغليه ومعلقة خل وملح وعصفر لو تحبى وفصين توم مقسومين نصين
وشويه حبه بركة وممكن فصين قرنفل
شويه حاجات ممكن تتخلل وتدى طعم .........وتحطيه على رخامة المطبخ
وكل لما تعصرى لمونة تحطى القشرة فى البرطمان وتقفلى وسيبيه يتخلل مع نفسه على ما يجى رمضان تلاقى عندك برطمان لمون مخلل تحفه
وبالهنا والشفا
تعليقات
إرسال تعليق
مرحبا بكم ونشكركم لمشاركاتكم