ميزانية ال1000جنيه ف الشهر للاكل والمنظفات ........موناليزا(2)

السلام عليكم ورحمة الله وبركاته
هعملكم ميزانية تكفى 5 افراد
والميزانية دى للاكل والشرب وكمان منظفات البيت
واليكم التفاصيل

طبعا انا وعدت ولازم اوفى

نبدأ بسم الله

اولا : بند اللحوم = 261 جنيه
3 كيلو سمك * 12 ج = 36ج ( يعملوا 2 مرة سمك ف الشهر)
6 فرخات * 20 ج = 120ج( يعملوا 4 مرة بانية + 1 مرة كبد وقوانص + 5 مرة وراك على اساس احنا بنفسم الورك الواحد 2 زى برة و 1جوانح ورقب مرة مع صينية بطاطس = 11 مرة فراخ فى الشهر وكمان 6 مرة شوربة بعد خلى البانية بسلق الهيكل ونعمل بيه اى حاجة)
2 كيلو لحمة * 35 = 70 جنيه( يعملوا 4 مرات لحمة بالشهر)
1 كيلو لحمة مفرومة * 35 = 35 ج( يعملوا 4 مرات كفته او حواوشى او همبرجر طبعا بنزود عليهم الصل والفلفل والبيض والخضرة او الطماطم المهم بيقضوا ويعملوا كمية محترمة)

اذن مجموع اكلات اللحوم بالشهر = ( 11 مرة فراخ + 2 مرة سمك + 4 مرة لحمة+ 4 مرة كفته ) = 21 مرة لحوم بالشهر


ثانيا: بند الالبان والجبن =273 جنيه ( ودا ممكن يتوفر فى كتير على حسب رغبة كل واحده)

4 جبن فيتا * 6 ج = 24ج
1/2 ك جبنة رومى= 20ج
1/2 ك جبنة شيدر = 8 ج
4 علبة جبنة نستو *4= 16ج
لبن بمعدل كيلو يوميا 6*30يوم = 180 ج (يمكن التوفير هنا كثيرا حسب استخدام الاسرة)
2 كرتونة بيض * 17,5 = 35 ج

اذن مجموع بند الالبان والجبن = 273 ج


بند الخضروات والفاكهة = 127 ج 

الفاكهة 8 كيلو * 5ج = 40 ( هنقول بناكل مرة فى الاسبوع اى نوع فاكهة الكيلو متوسط ب 5 ج يعنى هنجيب 2 كيلو اسبوعيا فاكهة )
8 كيلو بطاطس *2 ج= 16ج
4 كيلو طماطم *5 ج= 20 ج ( الاسعار متفاوتة من وقت للتانى يعنى ممكن ال 20 دول فى وقت تانى يجيبوا 10 كيلو)
4 كيلو خضار الموسم *4 ج= 16 ج
2 ك باذنجان * 2.5 = 5 ج
8 كيلو بصل * 2.5 = 20 ج
خضرة وليمون وفلفل = 10 ج

اذن مجموع بند الفاكهة والخضار = 127 ج


ثالثا: بند النواشف والبقول = 263 ج 
2 علبة صلصة روسو = 9 ج
6 كيلو سكر * 5ج = 30 ج
5 ك ارز * 4 ج = 20 ج
4 ك مكرونة مشكل * 3.5 = 14 ج
1 ك فول مدمس *6 = 6ج
1 ك فول مدشوش * 5 = 5 ج
زجاجة خل = 2ج
علبة سمنة 2 ك = 23 ج
4 كيلو دقيق * 3 = 12 ج
4 بيكنج بودر = 3 ج
4 فانليا = 1 ج
2 كيس ملح = 1 ج
2 علبة نسكافية = 15 ج ( حسب الرغبة ويمكن الاستغناء عنة او بدله بكاكاو)
زجاجة زيت 3 لتر للقلى والطبخ = 30 ج
1 كيلو عدس اصفر = 6ج
1 كيلو عدس بجبة = 6 ج
عيش بمعدل 2 ج ف اليوم * 30 يوم = 60 ج
بهارات وتوابل = 10 ج
شاى = 10 ج ( يمكن استبداله باى نوع عصير )

اذن مجموع بند النواشف والبقول = 273 ج 


رابعا : بند المنظفات = 65 ج 
4 صابون وش شهريا * 3 = 12 ج
1 علبة صابون سائل = 5 ج ( تكفى الشهر)
ليفة مواعين = 1ج
سلك مواعين = 1ج
مسحوق اتوماتيك 4 كيلو بونكس = 38 ج ( يمكن استبداله ب 2 ك اريال او برسيل يكفى الشهر)
علبة كلور = 2.5ج
علبة فلاش = 2.5ج
1/2 ك فنيك = 3 ج

اذن مجموع بند المنظفات = 65 ج 


اجمالى الميزانية :
بند اللحوم = 261ج
بند الجبن والالبان = 273 ج
بند الخضروات والفاكهة = 127 ج
بند النواشف والبقول = 263 ج
بند المنظفات = 65 ج
واهم بند " بند الصدقة " = 10 ج ( براحتك فيه بس بيفرق كتير والله )

المجموع = 999 ج ( باقى 1 ج وزعيه ع الولاد او حطيه ف حصالة لوقت عوزة)


يارب الميزانية تعجبكم
وطبعا احنا كده هناكل ف الشهر 21 مرة لحوم هو مش صحى بس احنا نراعى الكميات متكونش كبيرة
كدة باقى عندنا 9 او 10 ايام


1 مرة كشرى ( حاجته عندنا )
1 مرة بيتزا ..............
1 مرة شوربة عدش .........
1 مرة مسقعة ...........
1 مرة فول وطعميو وعجة.............
1 مرة مكرونة وبطاطس محمرة ........
1 مرة كشرى اسكندرانى ..........
1 مرة رز وطبيخ من غير لحمة ( ممكن يكون فايض من يوم كنتى عاملة لحمة)
1 مرة محشى وبطاطس محمرة ........
1 مرة عجة وبطاطس.........

انتى شوفى بقى اللى يناسبك

واهم حاجة اخراج صدقة بنية ان ربنا يباركلنا ويوسع علينا
ياريت اللى الموضوع يعجبه

فى رعاية الله   

وبرضه بقول الموضوع اجتهاد شخصى وغير منقول