ميزانية ل 450 جنيه ف الشهر اكل ومنظفات ......موناليزا

السلام عليكم ورحمة الله وبركاته
النهاردة هعملكوا ميزانية ال450 ج فى الشهر
وقلت ممكن تستفيدوا بيها 

دى بناء على طلبات وصلتى ع الميل
يالا نبدا:
بند اللحوم = 205 جنية
4 فرخات الواحدة حوالى 1.5 كيلو مش اقل = 80 جنية
1.5 كيلو لحمة من وزارة الزراعة = 52.5 (الكيلو ب 35 ج)
1 كيلو لحمة مفرومة = 35 ج
2 كيلو سمك بلطى = 25 ج
1كيلو سمك ماكريل = 12 ج

بند الخضروات = 43 جنية
4 كيلو بصل = 8 جنية
4 كيلو بطاطس = 10 جنية
5 كيلو طماطم = 15 جنية
خضروات مشكلة = 10 جنية ( تشمل خضرة - جزر - فلفل - خيار - ليمون)

بند النواشف والبقول = 143 جنية
علبة صلصة روسو ( او اى نوع تحبية ) = 4 جنية
3 كيلو مكرونة مشكلة = 10 ( كيلو مقصوصة - 1/2 شعرية - 1/2 لسان عصفور- 1/2 اسباجيتى -1/2 كيلو قلم)
2 كيس ملح=1 ج
4 كيلو ارز = 12ج
علبة سمنة ( 1 كيلو) = 11 ج
زجاجة زيت للقلى = 7 جنية
زجاجة زيت للطبخ = 12 جنية
بهارات مشكلة = 5 جنية
2 علبة ماجى = 3 ج
1/4 عدس اصفر = 1.5ج
1/4 عدس بجبة = 1.5ج
1/4 حمص = 3 ج
زجاجة خل = 2 ج
4 كيلو سكر = 20 ج
كيلو فول مدشوش = 5 ج
كيلو فول تدميس = 6 جنية
علبة مشروم صغيرة = 4جنية
2 علبة فيتا = 12 ج
كرتونة بيض -= 17 ج
2 كيلو دقيق = 6 ج
2بيكنج بودر = 1 ج
4 فانليا = 1 ج


بند المنظفات = 55 جنية 
3 صابون وش = 6 ج
1 علبة فلاش = 2.5 ج
1 علبة كلور = 2.5 ج
مسحوق اتو ماتيك (بونكس 4 ك) = 36 ج(حسب استخدامك ممكن تجيبى 2 كيلو اريال اتوماتيك سايب يقضى الشهر ب 30 ج)
سلك مواعين = 2 ج
زجاجة صابون سائل = 5 جنية ( بتقضى الشهر)
ليفة مواعين تجدد شهريا لصحتنا = 1ج

يبقى كدة الاجمالى:
بند اللحوم 205 ج
بند الخضروات 43 ج
بند النواشف 143ج
بند المنظفات 55 ج 

اذن الاجمالى = 205+ 43 + 143 + 55 = 446 جنية 
انتى بفى قبل اى حاجة اول ما تبدأى تصرفى للحاجات دى
طلعى 5 جنية صدقة بنية البركة فى الرزق
هتلاقى الميزانية فاض منها وهاتلاقى فى حاجات توفر معاكى للشهر التالى
ازاى بقى تعملى كل اللى نفسك فيه بالميزانية دى
انا هاقولك ع الاصناف

4 فرخات ( منهم )
1 مرة كبد وقوانص
3 مرة بانية
4 مرات دبابيس ووراك
1 الجوانج والرقب ممكن صينية مع بطاطس
وفى كل مرة بتخلى البانية مترميش الهياكل اعمليها شوربة
يعنى 4 مرات شوربة لاربع طبخات بس مش هاحسبهم عشان هيدخلوا فى اكلات تانية
مجموع اكلات الفرخ = 13 مرة فى الشهر 
1.5 اللحوم دول هتعمليهم على 4 مرات = 4 مرة فى الشهر

اللحم المفرومة هتعملى 3 مرات او 4 حسب استخدامك هقول 3 = 3 مرة فى الشهر
ممكن كفتة - ممكن حواوشى - ممكن فى البيتزا .......براحتك انت

السمك البلطى مرة واحدة او اتنين حسب العدد هقول مرة = 1 مرة

الماكريل هنعمل منة تونة = 3 مرة فى الشهر 

يبقى 13 فراخ + 4 لحمة + 3 مفروم + 1 سمك + 3 ماكريل
= 24 مرة لحوم واسماك وفراخ فى الشهر ( ايه الهنا دا )

يبقى باقى من الشهر 7 ايام 
مرة كشرى ( عندنا حاجته)
مرة فول وبطاطس وطعمية ( هتعملى كلة فى البيت )
مرة كشرى بعدس اصفر ومعاه مخلل وبطاطس
مرة مسقعة
مرة مكرونة وبطاطس محمرة وسلطة
مرة شوربة عدس
مرة قرنبيط او عجة


كده قفلنا البشهر وكلنا احلى اكل
طبعا فى اكلات كتير موفرة
ممكن تضيفوها للموضوع 

واهم حاجة الصدقة
هتفرق معاكى اكيد والنية ضرورى عشان البركة فى الرزق
يارب الموضوع يعجبكم
واشوف ردودكم

ملحوظة : تتفوت الاسعار باختلاف المناطق
هتلاقينى ساعات بزود او انقص ف السعر
بس هتحسى بالفرق
لما تكتبى كل اللى انتى عايزاه وتشتريه مرة واحدة
هتلاقى فى فلوس وفرت معاكى
واهم حاجة التنظيم
يعنى بعد ماتجيبى كل حاجة
اعملى جدول اكلات الاسبوع ووزعى على الاسبوع كله
وحاولى تلتزمى بيه
يارب الموضوع يعجبكم
فى رعاية اللة